من طرف ضليت :
ضليت هرب مني الامل جنيت
جافني الشروق حنيت
وكنتي معاي في لمة دليب شاشاي
وفي ايقاع حشى المردوم
وفي جيد الزمن سوميت
مرقت على محطات السفر غربة
وما لقيتك امل شارد
مع انك معاي في زحمة المشوار
وحتى يقيني عاد من تاني
صحاك يوم حنين ذاتي
نجمة الفرحة يا عايد
تعالي معاي
من زفة نفس مسدار
ولا جلست فرح كانت
ولاطعم الشقا الروح
خطاي هانت
انت معاني شايلاها القوافي معزة
في عمق الفرح دوبيت
وكت ضليت قعدت براي
حسيتك بتطلعي من نفسي طورية ضامة الطين
من دمعات وجع طول
ندى العرق البنادي حنين
واناديك وانت في ذاتي
مخاوف سكة آهاتي
مداين قرية لابس القمرة شامة ضو
يحن يغشاها مرة شروق
يخدر من عرق تربال
يرتاح في ضليل واسوق
ينادي تراب
يغازل خدرة السيال
تطلُ شروق
تكون قمر السعد ضويت
نشوة ريد
إحساس إكليل
وردة وصلك جنة أصلك
نجم الليل الوصل جميل
نحنا مشينا الخطوة الأولى
وإنت معاى مشوارنا بيقصر
بكرة بنحكى الشوق للذكرى
نار الريد الغابت تظهر
الأطفال يا فاطمة بغنو
الأفراح لا بد من ترجع
الأحلام الدونك فاتت
لو واصلنا صباحا بيطلع
نشوة ريد إحساس إكليل
وردة وصلك جنة أصلك
نجم الليل الوصل جميل
على عمقك
مشيت متلفِّحك .. خاطر
برغم ذبول نجيماتك
سماك معقول
وشارع الشوق ..
بدونك .. تمْ
بحِسْ بى القول ..
على حدّ السيوف مجدول
ورغم الفات
ورغم الحاصِل المسلول
فوق عمقك قدل جوّاى
على لقيا وبياض خاطر
وزى مايكون
**************
وعلى عمقك
مشيت متلفّحك .. خاطر
لا الشبورة لا ريحة الدُعاش
مشبوبة بى ندّكْ
صبابة وصوت
ولا برقت شموس منّك
ولا دخلت شموس فينى
ولا أظنّك بتدّى شموس
ويطلع من عيونك ضى
ولا لِمِس الجفاف خدّك
ولا ركّ الندى المحروق
فراشات فى شذاك .. دخان
شعاعات من بريق لحظك
فهل يرجع زمن جيتك
حضور تانى ؟
على ذكراك أمل ممتد
أنا وإنت .. وهدير الكون
على لقيا .. وبياض خاطر
وزى ما يكون
**************
وعلى عمقك .. مشيت
متلفّحك خاطر
ولا عند المغيب وجّت
غصون شجرك
ولا رجعت طيور بتنم
ولا زيفا نشف مفضوح
ولا زِيف العِشِق مفضوح
ولا لمـّة فرح .. بتلم
ولا الرقدة .. التعب بتجم
ولا الصمت القبيل .. مفتوح
ولا الفرح البِتِم القول
صدى الغنوات ... يرقِّص حول
ولا وجّت رياض أطفال
ولا الموّال
مركّب بى نسيج الجيـّة
بى أنغام طبول شدوك
عشان أضحى الفرح مسحور
وإيقاع الرقيص .. مكسور
نسيب الليل البلد ... ينجَمْ
نطوى الشوق منام
نتوسد الأحلام
على صحيان هبـّة نسيم باكر
لأننا نحن متواعدين
انا وانت وهدير الكون
ومن جوّة الضجيج مارقين
بصوت واحد
لأننا نحن متواعدين
على لقيا وبياض خاطر
وزى ما يكون
يا قهوتا
ويا شهقة النفس المزاج
يا قعدتا
ويا سرحتي
شفت العيون عبر السياج
يا ضحكتا
ويا متعتي
تبدو الأنامل هي الزجاج
يا البن تحرق و تنحرق
لو كان منجض مرتين
أنا يومي بتنجض نجاض
يا كيفا
ما تقول لي كيف
و يا طيفا
أبقى لي ضيف
ما إيدي من إيديها فاض
من كبتا
ما كبتا.. المن كبتا
كل الخلائق حبتا
الموية نيل
و الشوق تقيل
و الريدة لما تكون مزاج
القلب ما بعرف تردد و احتجاج
لأنك عظيم
بشيلك عزيمة
دروع للهزيمة
*****
لأنك بدونك
بكون الكسوف
يلقط ضلام
الليالى النجوم
*****
غيابك عذابى
البهد الكتوف
غيابك مسافة
ومدار****
تعودي
تجودي
وافرش
ظلالك
بوادي
وأنوم
مابين عيونك والتقيك
ما بين عيونِك وإلتقيك
أفراح فريق ميلاد شعر
عشانك وشان ما تزعلى
شان يا حلوة انا زرت عيونِك ..
ود عينيك يوم كان فى غفله
عندى انا ليكِ ...
هديه بتحمل ستة مقاطع
طبعك ولونك
وطرفك وطييفك
وفرح الناس البانية حصونك
أحزان حلال
أفراح أطفال
أحلام تربال .... زرعِك فرخه تربل ونام
إرتاح فى عيونك
اصلك خلقك ربنا سمحه
وسواك سبحه ...
عبادة ناس بتعرف الحق ..
وبرضو كمان ناس زرادشت
غسق اليوم الجاى ضفاير
دقة شف الزينه
ونفس الحله معتق
بى خرزات روح الزمن الطالع
وفجرو عيونك
وفى رمشيك شايلاه حراير
إنتِ قصيدة ... مقسم نغمك ستة مقاطع
مابين شعرك .....
وشفة ضفة وادى النيل .....
مقطع
وما بين شفة ضفة وادى النيل
وصدر الجرف العالى طلوعو يهدد ...
مقطع
بطن الوادى
ونار أحزانى
وجمر المات فى جوفو الحادى
ولهب النوبة المولد .....
ونضم الطار فى جوف درويش.....
مقطع
عريسنا سار البحر يا عديلة
أقطع ....
يقطع جرايد النخل ....
وأنغام جون لينون.....
مقطع
ونغمك طمعك بلدك
مقطع
آخر مقطع .....
سايح شايل فوق الجبة ..... أخبار الحى
أحزان الحى الراقد حاضن النيل
لمة دقدق فوق الحدبة ... الجنة عيونك
بين الحاجب ..... وغابة رمشك
دهشة غزوة توشكى وكررى
إحساس أطفال بيوم العيد
ليلة الإسراء والمعراج
تحيا عيونة تموت مأساتى .....
ويبقى الكحل الما بالايد
بين الحاجب وبين الرشرش
شايلة اذاى فى الكحل الوقف
سير الهجرة على العتمور
عشانك
وشان ما تزعلى
شان يا حلوة انا زرته عيونك
ود عينيك يوم كان فى غفلة
صوت الطفلة
الداسة ضفايرة شان العين
الا الغفلة تحوم قدامه ...
وتنسى ضفايرة فوق الرملة الهين
ولامن توصل بيت ناس امها
امها تتلى دقر ياعين
عين الشافع والسكين
عين الراجل طينة جرفو
عرق السنبلة قمح الزمن البكى السوس
عين المره تراب البلد الراقد بملى العين !!!؟
ما بملى العين
عشانك
وشان ما تزعلى
وشان يا حلوه انا زرت عيونك
و عينيك يوم كان فى غفله
صوت افريقيا
الشامه النايمه عليك يا تلال الخد
يوم غازلتك ..
وغزل الديمه عيونه تعطش موية النيل
غزل اللامه عيونه العالم
غزل النيزك
نجم الغزل القمره التانيه
قمر الشعر الشامه الواقفه تهدد
كل الجاي بعيد من سفرو
صوت عينيك الجزب الشد
ولو شديته خيوط الإلفه
بقطع حبل الحن قبال الشد
ولو وزعتك بين أطفالنا
بتبقى غلاف لكتابى الأول
كل أطفالنا بصيرو قصيده
وتبنى الدهشه قصور الكلمه
وسفر أولاد الرف يا السمحه
بين عينيك وكسر الخاطر
عشانك وشان ما تزعلى
شان يا حلوه انا زرت عيونك
ود عينيك يوم كان فى غفله
فدعة حلوه بترقص فدعه
لامن راسها يكلم راحة رجلها
الشايله النغمه تتاتى
غنوة جدله..... أنغام الودعه
زول مليان إيقاع .......
من شعر الراس لى راحة قدمو
صدرو يهز دقة إيقاع
نظرتو تكسر بالإيقاع
زمن الشعراء الوقف حالن حور العين
وربنا راسم حور العين مليان ايقاع ...
مابين عيونك والتقيك
ما بين عيونِك وإلتقيك
أفراح فريق ميلاد شعر
عشانك وشان ما تزعلى
شان يا حلوة انا زرت عيونِك ..
ود عينيك يوم كان فى غفله
عندى انا ليكِ ...
هديه بتحمل ستة مقاطع
طبعك ولونك
وطرفك وطييفك
وفرح الناس البانية حصونك
أحزان حلال
أفراح أطفال
أحلام تربال .... زرعِك فرخه تربل ونام
إرتاح فى عيونك
اصلك خلقك ربنا سمحه
وسواك سبحه ...
عبادة ناس بتعرف الحق ..
وبرضو كمان ناس زرادشت
غسق اليوم الجاى ضفاير
دقة شف الزينه
ونفس الحله معتق
بى خرزات روح الزمن الطالع
وفجرو عيونك
وفى رمشيك شايلاه حراير
إنتِ قصيدة ... مقسم نغمك ستة مقاطع
مابين شعرك .....
وشفة ضفة وادى النيل .....
مقطع
وما بين شفة ضفة وادى النيل
وصدر الجرف العالى طلوعو يهدد ...
مقطع
بطن الوادى
ونار أحزانى
وجمر المات فى جوفو الحادى
ولهب النوبة المولد .....
ونضم الطار فى جوف درويش.....
مقطع
عريسنا سار البحر يا عديلة
أقطع ....
يقطع جرايد النخل ....
وأنغام جون لينون.....
مقطع
ونغمك طمعك بلدك
مقطع
آخر مقطع .....
سايح شايل فوق الجبة ..... أخبار الحى
أحزان الحى الراقد حاضن النيل
لمة دقدق فوق الحدبة ... الجنة عيونك
بين الحاجب ..... وغابة رمشك
دهشة غزوة توشكى وكررى
إحساس أطفال بيوم العيد
ليلة الإسراء والمعراج
تحيا عيونة تموت مأساتى .....
ويبقى الكحل الما بالايد
بين الحاجب وبين الرشرش
شايلة اذاى فى الكحل الوقف
سير الهجرة على العتمور
عشانك
وشان ما تزعلى
شان يا حلوة انا زرته عيونك
ود عينيك يوم كان فى غفلة
صوت الطفلة
الداسة ضفايرة شان العين
الا الغفلة تحوم قدامه ...
وتنسى ضفايرة فوق الرملة الهين
ولامن توصل بيت ناس امها
امها تتلى دقر ياعين
عين الشافع والسكين
عين الراجل طينة جرفو
عرق السنبلة قمح الزمن البكى السوس
عين المره تراب البلد الراقد بملى العين !!!؟
ما بملى العين
عشانك
وشان ما تزعلى
وشان يا حلوه انا زرت عيونك
و عينيك يوم كان فى غفله
صوت افريقيا
الشامه النايمه عليك يا تلال الخد
يوم غازلتك ..
وغزل الديمه عيونه تعطش موية النيل
غزل اللامه عيونه العالم
غزل النيزك
نجم الغزل القمره التانيه
قمر الشعر الشامه الواقفه تهدد
كل الجاي بعيد من سفرو
صوت عينيك الجزب الشد
ولو شديته خيوط الإلفه
بقطع حبل الحن قبال الشد
ولو وزعتك بين أطفالنا
بتبقى غلاف لكتابى الأول
كل أطفالنا بصيرو قصيده
وتبنى الدهشه قصور الكلمه
وسفر أولاد الرف يا السمحه
بين عينيك وكسر الخاطر
عشانك وشان ما تزعلى
شان يا حلوه انا زرت عيونك
ود عينيك يوم كان فى غفله
فدعة حلوه بترقص فدعه
لامن راسها يكلم راحة رجلها
الشايله النغمه تتاتى
غنوة جدله..... أنغام الودعه
زول مليان إيقاع .......
من شعر الراس لى راحة قدمو
صدرو يهز دقة إيقاع
نظرتو تكسر بالإيقاع
زمن الشعراء الوقف حالن حور العين
وربنا راسم حور العين مليان ايقاع ...
القاك وين 2
ألقاك وين وتكوني لي
والنيل يدفق ألأف نهر علي ايدي
ينتشى ويجمع ضفافو
المويه تفتح الف منفذ للنخيل.. ما عرقو حي
المستديم .. طعمك سديم ..
حسيت خطاك..
الكان قديم مالسي حي
وأنا يا نضوج وجد الثمر
خليك ودود .. زي الورود.. ما الريد صبي
والشوق مقاديف سوق
تهجس شواطيك روق
مدد مرافيك لي
قمم الجبال قندول
فك المريق الريق .. النيل طمح ضهرو
أدي الصحاري ري
رجعن طيور غايبات
فوق الجناحات غيم
بيناتا شايله خطاب
موال غُنا وترنيم
مظروف وكلو ظروف
مفتوح علي الشارع
وبوابة امدرمان...
مركب مراكبيه.. محبوبه روحك فيْ
ي ألأف نهر ونيلَ
يا ضل مقيلنا قبيل.. المويه ماليه الصي
لا ضفه لا شطآن
مطره وخريف ونزيف
وعلي امتداد الروح
يالون سما الوجدان
مركب حبيب وحبيبه
سوُّا العشق مقداف
قدفوا الوصول للريح
كشفوا الغروب بالضو
طلع الشروق مشروق
لكنو مازال حي.
إنت في الدم ..
حاسي خطواتَكِ مشيك..
في العروق نبضَك نغم
زيدى خطواتك مشيك
قلبي ايقاعو انتظم
عُدتِ .. عادت أمسيات
في الشرايين .. أغنيات
عمقي ناداك
قلبي لاقاك
كلي حياك
نبضي غناك..
دقّ تمتم...
إنت في الدم برتكانات
تطرد الهم احتفالات
دمي نازف سوي أشكال
كبي دمعة تبقي أطفال
غسليهن بدموعك وسمرتك
صبي في عروقن..
ملامحك وخدرتك
وزعيهن في رمالك ..
بين ضليله.. وحر هجيره
طوريتـــــك
قاسم أبو زيد
حتى الفصول صابه الجفاف ...
لا غيمة لا زفة هرع ...
والسنمبر البفرح صغيرة ...
غشانا وإتقاطر رجع ...
وشجرنا من لفح السموم ...
عطشان وقع ...
لاشابا لريحة دعاش لا هش لى برقاً لمع ...
طوريتك في الطين مرمية ...
وكوريتك يابسة ومجدوعة ...
لاغيبتك كانت مرضية ...
ولا فوتك كانت مبلوعة ...
اللهب الضوى الليل قناديل ...
في عيون النجمة القطبية ...
والتعب المد ضراع النيل ...
سجادة فقراء مزاورية ...
سائلين عنك ويوماتي رحيل ...
لمواني المدن النفحاية ...
وشقيش ما تقبل يا أبو الحيل ...
في قلوبنا مواجعك متكية ...
تايهين في بحرو مراكبية ...
أطفال عمال ومزارعية ...
كيف حال يا أبوي ...
كيف حال يا خال ...
بتمسي بيوتنا الكاكية ...
حزنانة بتبكي مال الحال ...
والزمن الساقكم عيدية ...
طوريتك في الطين مرمية ...
وكوريتك يابسة ومجدوعة ...
كونى النجمة
قولى الكلمة لصمت الليل
وطولى النجمة
وامشى معانا درب طويل
وكونى النجمة
وادى الفرح امتد مساحة
نادى الامل الجوة عيونة
شوق الشوق اتجدد تانى
باقى احلامنا جدار من كونة
نار الالفة البينا سنين
صحت فينا احلام يوم باكر
غيم الامل الشارد يوصل
وانت معانا فى عمق الخاطر
ايد مبسوطة تقابل الحنة
نغم الليل السال شبال
نخلة تغازل فى عيون طفلة
طفلة وحفلة ورقصة فال
وادى الفرح امتد مساحة
نادى الامل الجوة عيونة
شوق الشوق اتجدد تانى
باقى احلامنا جدار من كونة
النجمه عصفور
والقمره والشمس الجناح
ركّ الخفوت
النجمه طارت والصباح
في كل حته خفوت خفوت
في أي زول سكن الخفوت
مدد جناحاتو ونزل
دخل الرواكيب والبيوت
آه يا صبر
نفذ الصبر
ضلت قوافل الأمنيه
انشلت قبل حركة لساني الأغنيه
والضحكة في الخاطر
قبل تمرق تموت
وين المغنين يا غُنا
وين الطنابره
الجوقه
لمّات البنات
وين العديل
والزين عَبَلْ
والسيره شبال أمسيات
وين الغُنا
ضجَّت مسامع الليل سكوت
مظلة فوق كل المدن
منسوجة بي خيط عنكبوت
ضلك وراك ما بشبهك
طفلك معاك ما تعرفوا
حتي الطريق ما بوصلك
والذكريات ما بترصفو
أملك تهدوُ وتنسفو
ما بوصلك
الألفه..
الحِن..
الشجن..
حتي الطفوله إتليفت
صوت الحبيبه..
اللون..
ملامحا..
كل حاجه اتزيفت
ما الريد ركب آخر قطار
غادر موانيك يا خفوت
لما الغيوم حضنت بعض
وخد البروق ملي بالمطر
دقت طبول الغيث رعود
في كل مره يفوت أمل
وتذهب مع الأيام وعود
ليه يا مطر؟
يرحل هطول
والليل يطول
والغيم يفوت
والنجمه عصفور الأمل
هي كمان تفوت..
دا من الخفوت؟؟
دا من الخفوت .. آه يا خفوت
دا من الخفوت .. آه يا خفوت
دا من الخفوت .. آه يا خفوت
آه يا خفوت
لأنك معايا
وحضورك مرتب
برغم المسافة إعْتَسَفْتِ .. الغياب
لأنك معاني
وعشانك بعاني ..
وصولك يرجع شجون الأياب
بشيل من حروفك وأرصك متارس
اقابل سيولك..
سيوفك..
برعشة حماس
أعنون ظروفك رسايل عديده
وأحول سكونك عواصف شديده
رسايل تحصل
شوارع توصل
وشوقي المدفق..
يحاكي النوارس
لأنك عظيمة
بشيلك عزيمة
دروع للهزيمة
ونجاد للفوارس
لأنك بدونك بكون الكسوف
يلقط ظلام الليالى النجوم
غيابك.. عذابي البهد الكتوف
وصنة سكونك صبيب الغيوم
فقدك حضورك
وبُعدك رجوعك
بعدك رجوعك
وفقدك حضورك
تغني المداين..
ويسلم ربوعك
غيابك.. مسافه ومدار
سحوب وانتظار
تعودي وتجودي
وأفرش ظلالك بوادي وأنوم
وأفرش ظلالك بوادي وأنوم
وأفرش ظلالك بوادي وأنوم
و لما نديلا طليقا ساغنى
فرحة الثوار فى زمن المصادم
كان سجنك امتداد لى المظالم
كان تعبيرا صريحا لى الماسى
و اذدهار الجرح فى زحف المواسم
يا بريقا شاجنت ترنيم صحوك
انفعالات الملاحم
يا خلاصا اشعلت اطياف عزمك
اذدهارات المكارم
كنت وعدا باندلاق الفجر
فى كل المعالم
كيف تحبسك الحوائط
يا صباحا مشرئبا يقاوم
و لمانديلا طليقا ساغنى
فرحة الانسان فى كل العوالم
ايها الثائر نحن لم نكن يوما رضينا
ان نراك العمر مرتهنا سجينا
او نعيش الدهر دوما خافقين
للمظالم والغزاة القاصبين
قد رفعنا اليوم فينا
راية الانسان فى كل الاعالى
و فتحنا دورة الاوطان للفجر المثالى
و هزمنا بالنضال الحر ارجاف الاعادى
ثم عدنا لا نبالى لا نبالى
سطوة السجان او ظلم الليالى
ايها المصلوب فى جرح الماسى البشرية
سوف تحملنا الخيول الامهرية
فات يوم الصباحات الذرية
حيث تمتد الايادى لخلاص البشرية
من زمان الحزن من جرح الماسى العنصرية
حيث انسان الهوية لا بساصحو البنفسج
و عميقا كانتصار الحق فى زمن التوهج
يزرع الامال مساحات فى البرية
و يعلى قيمة الانسان فى كل العوالم
سافر ..
مطارات الوداع ضجت قدامك .. وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة .. تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح .. ومتل السنبل الغناى
........
كتير بنعاتب الحاضر
ولا أسفاً على الماضى
صدق الرؤية من قلبك .. بين الشوف وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
وهواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان ..
ليه غبتى يا قمرة
نركب جياد الليل
إنشرّ بينّا صباح
سفر العتامير .. ليل
نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشة .. نِشِف
نشرب بواقى السيل
*****
صُدْ لى ملامحك يا حراز
ريح العوارِض ... غرّبتْ
فرتِق ضفايرك .. فى الرزاز
جية العصافير .. قرّبتْ
لوحة وطن فى عيون طفلة
طفلة حلوة وشايلة لونة ..
ترسم الوطن الشباب
كل خط فى اللوحة باين ..
من دموع الطفلة يحكى
النفوس تبقى السحاب
القلوب تبقى الأراضى ..
نزرع الوطن اليباب
راسمة فى اللوحة القمارى ..
فيها وش النيل حزين
الضفاف كان لونا أحمر .
الشجر كان لونو أخضر
الجباه عرقة بيضارى ..
حمرة النيل واصفرارو
**********
راسمة جوه اللوحة طفلة ..
الفرح فى رموشة صفق
ادت الامواج بسيمة
غير النيل إنحدارو
لابسة من السعدة قرقاب .
شايلة فى الأيد الطوارى
مارقة قمحة من اليباب
**********
شلة من أطفال مدارس ..
فى نظام ماشين سوا
رددوا الخير بالوتر
الزمن فى اللوحة بشر
الجروف فتحت مداها
الغيوم شايلة المطر
الترابلة هناك كبار
شتتوا العيش للمواسم
العيون شايلات بطر
من بعيد فى اللوحة عامل
الآيادى على السنابل
ودع الليل والفتر ..
خدرالوطن اليباب
عباد الشمس شافك .. مشاك ..
ساقِك جبيرة وجد
تيار الظلام غطاك
غياب البهجة ما هزّاك
هواك .. هز العهود .. بى الصد
*******
تذوب يوم الشموس ضوّت
عباد الشمس يوم جاك .. سألنا الغيم .. عِنادِك ردْ
أسف بُعدِك حروف جفّت
جِدار الماضى .. دمعة خد
********
غَفل طرفِك .. صَرَخْ .... ياليل
سرق عِشقِك صباحاتى
شتيل إحساسنا ما فرهَد
********
رحل صوت المغنى .. حزين
ولسّة الصوت .. صِراع زمنى
مواعيد عِشقِى ما بتِنـْه
علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا بين مظنة وإحتمال
ما بحسِّـك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال
*****
علمينى الإحتمال
ونحن كيف نقدر نقاوم
فى بلد ملّ الحِوار
صرخة بتموت فى المزارع
وزيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّن ومضة الأمل
البيشرِق كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى دروبك
وغيث يقفّل فى شجوبك
*****
علمينى الأحتمال
ونحن كيف نقدر نجمّع لى ملامح الليلة
من عُمق المدار
علمينى الإحتمال
ونحن كيف نقدر نقاوم
فى بلد ملّيت صِفوفا
ولاّ أمشى على المزالِق
فى بلد نكرت دِفوفا
ولاّ أشيلِك وإحتِمالِك
إمّا أدّيك إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من دفوفك
برجا هجعة ليل طيوفا
*****
علمينى الإحتمال
ولاّ نتعاهد نواصِل ..
فى الظروف القاسية .. نمشى
وفرحة الأطفال نشوفا
ومضة تمحوها الظلال
ونظرة تغنيك عن سؤال
فى خيالك .. وغيم ظلالك
لمّا يتجاوب سؤالك
ترفع الأحزان ظروفا
وتنقر الأفراح دفوفا
لمّا نتقابل نحقّق
فى وجودى .. وفى وجودِك
أحلى شوفة
ضليت .. هرب منى الأمل .. جنيت
جافانى الشروق .. حنيت
كنتى معايا .. فى لمـّة دليب .. شاشاى
فى إيقاع حشا المردوم
فى جيد الزمن .. سوميت
******
مرقت .. على محطات السفر .. غربة
وما لقيتك .. أمل شارد
مع إنك معاى فى زحمة المشوار
وحتى يقينى عاد من تانى
صحـّاك فى حنين ذاتى ..
صحـّاك فى حنين ذاتى ..
******
تعالى معاى....
تعالى معايا من زفة نفس مسدار
وما جرتق فرح .. كانت
ولا طعم الشقا الروّح
خطاى هانت
وإنتى معانى شايلاها القوافى
معزة فى عمق الفرح .. دوبيت
وكت ضليت
.. قعدتّ براى .. وحسيتك
بتطلعى من نفس طورية ضامـّة الطين
ومن دمعة وجع طوّل
ندا العرق البنادى .. حنين
على عمقك
مشيت متلفِّحك .. خاطر
برغم ذبول نجيماتك
سماك معقول
وشارع الشوق ..
بدونك .. تمْ
بحِسْ بى القول .. على حدّ السيوف مجدول
ورغم الفات
ورغم الحاصِل المسلول
فوق عمقك قدل جوّاى
على لقيا .. وبياض خاطر
وزى مايكون
*****
وعلى عمقك
مشيت متلفّحك .. خاطر
لا الشبورة .. لا ريحة الدُعاش
مشبوبة بى ندّكْ
.. صبابة وصوت
ولا برقت شموس منّك
ولا دخلت شموس فينى
ولا أظنّك بتدّى شموس
ويطلع من عيونك ضو
ولا لِمِس الجفاف خدّك
ولا ركّ الندى المحروق
فراشات فى شذاك .. دخان
شعاعات من بريق لحظك
فهل يرجع زمن جيتك
حضور تانى ؟
*******
على ذكراك أمل ممتد
أنا وإنت .. وهدير الكون
على لقيا .. وبياض خاطر
******
وعلى عمقك .. مشيت
متلفّحك خاطر
ولا عند المغيب وجّت غصون شجرك
ولا لمـّة فرح .. بتلم
ولا الرقدة .. التعب بتجم
ولا زِيف العِشِق مفضوح
ولا الصمت القبيل .. مفتوح
ولا الفرح البِتِم القول
صدى الغنوات ... يرقِّص حول
ولا وجّت رياض أطفال
ولا الموّال
مركّب بى نسيج الجيـّة
بى أنغام طبول شدوك
عشان أضحى الفرح مسحور
وإيقاع الرقيص .. مكسور
******
نسيب البلد ... ينجَمْ
نطوى الشوق منام
نتوسد الأحلام
على هبـّة نسيم باكر
لأننا نحن متواعدين
ومن جوّة الضجيج طالعين
بصوت واحد
لأننا نحن متواعدين
على لقيا وبياض خاطر
وزى ما يكون
إدفّـقـي
قاسم أبو زيد
إدفقى ما تبقى رقراق
أبقى يا ضُل .. يا شموس
غطى المساحات بالوضوح
إستنهضى الشوق .. الجروس
وهجك شوارع ذاتى
فى ليل اليباب
ما تشفقى العطش .. الرحيل
النيل ركيزة
ودمعة الأحباب سِحاب
ما تخافى من دم الغروب
لو رتّش الّلوحة الضباب
مادام ضمير الفينا .. حى
مادام عِريق العِشق .. حى
ملحوقة يا مدن السراب
نديانة بى فرح التساب
********
أدفقى فيضان عمار
أتربعى .. وفجّى الوجع
دمع الألم .. ما يدفّقك
ما خاب غناك
فارسك رجع
إتوهجى وإنتى الشمس
إتلهجى نورك سطع
نوّر بوادينا الكساح
رقصت مزامير الصباح
مبكية قرية وقنبلة
متكية دمعة .. وسنبلة
الليلة فى إيدنا السلاح
ريشة وكدنكة .. ومطرقة
نبنيكى أحسن يا ظروف
مخضرة .. دانية القطوف
نطوى المسافات .. نسبقا
********
أدّفقى بلدك فِداك
إتوهطى
ورّى البنيات العديل
محمية بى عرق الترابلة
ونغمتك مسقية بى الريد العتيق
أنغام رباباتك تشيل
معزوفة الليل .. والرفيق
ما تصغرى
تكبر أمانى السنبلة
هَىْ أكبرى
تصغر معانى القنبلة
ما ترجعى الصد لى المداين .. والقرى
شيلى الشحوب والإصفرار
أدى البويتات منظرا
إدفقى فى كل شارع .. وكل بيت
فى روابينا المحنّة
وفى ضمايرنا السهول
إدفقى
فى كل حتة .. وكل زول
أبقى .. شان تحيا الفصول
ألقاك وين
ألقاك وين .. كان الفرح قفل مسامات الضياع
غناك مزمار الزمن إرشيف عشق .. وتر التراخى موشحات
من غبت.. ما شرقت شمس والدهشة ساساق الدروب .. لاوين تمش
نار العشق لو تنهبش .. توقد سنون .. المتعبين
تعقد زفاف آخر ضمير .. أتباع مغتغت بالقرش
ألقاك وين .. كان التعب ما خت أيدو على حبين تربال ..
يخم رمل الشقا .. المليان غلب .. دقشت قوافلو مع السراب ..
رابط جليد ..الهم سعن .. محزوم خشيمو من الصبر..
راحى السحاب .. نلقاك وين ..أنا وإنت و النيلو الأرض
و البور مشتت متنسى .. نجامة التعب الكعب ..
ما كان عول .. ريدى الصبح صفصاف هدير
البر .. أيامى توب شحاد .. هذاه خم و خم .. أنا ما لقيتك ليه..
طعم الفراق دم دم .. ختيتى فوقى الليل .. والليل سقانى السم
أنا خاطرى فى المطرة .. ريحة الدعاش تنشم
والقاك وين .
» ادريس محمد جماع/ ديوان ( لحظات باقية) 2
» ادريس محمد جماع ديوان ( لحظات باقية)
» محمد علي كلاي
» أنيس منصور
» بيتر ألتنبرغ
» أندريه موروا
» أنت مثل جميع من في الكون، تستحق حبك وعاطفتك. "جوتاما بوذا"
» غروشو ماركس