الشجن المهاجر

اهــــــلا وسهـــــلا
الشجن المهاجر

ست شموس الكون منايه

المواضيع الأخيرة

» ادريس محمد جماع/ ديوان ( لحظات باقية) 2
السبت 7 أبريل - 12:05 من طرف Admin

» ادريس محمد جماع ديوان ( لحظات باقية)
السبت 7 أبريل - 11:50 من طرف Admin

» محمد علي كلاي
الثلاثاء 29 ديسمبر - 12:27 من طرف ذكي سيد احمد

» أنيس منصور
الأربعاء 18 نوفمبر - 21:13 من طرف Admin

» بيتر ألتنبرغ
الأربعاء 18 نوفمبر - 21:05 من طرف Admin

» أندريه موروا
الأربعاء 18 نوفمبر - 21:03 من طرف Admin

» أنت مثل جميع من في الكون، تستحق حبك وعاطفتك. "جوتاما بوذا"
الأربعاء 18 نوفمبر - 20:54 من طرف Admin

» غروشو ماركس
الأربعاء 18 نوفمبر - 20:49 من طرف Admin

» ونستون تشرشل
الإثنين 16 نوفمبر - 14:08 من طرف Admin


    ﻟﺴﺎﻥ ﺍﻟﺤﺎﻝ ﻏﻠﺐ

    شاطر
    avatar
    Admin
    Admin

    المساهمات : 257
    تاريخ التسجيل : 06/09/2014
    العمر : 37
    الموقع : السودان

    ﻟﺴﺎﻥ ﺍﻟﺤﺎﻝ ﻏﻠﺐ

    مُساهمة من طرف Admin في الثلاثاء 16 سبتمبر - 23:29

    ﻋﺒﺪﺍﻟﺮﺣﻴﻢ ﺃﺭﻗﻲ
    ﻣﺎﺩﺍﻡ ﻫﻲ ﻣﺎ ﺭﺍﻋﺖ ﺷﻌﻮﺭﻙ ﻻ
    ﺿﻤﻴﺮﻫﺎ ﻫﻲ ﺍﺳﺘﺤﻲ
    ﺍﻧﺴﺎﻫﺎ ﻭﺍﻟﺒﻜﺎ ﻣﺎﺑﻴﻔﻴﺪ ﻗﺸﻘﺶ
    ﺩﻣﻮﻋﻚ ﻭﺍﻣﺴﺤﻬﺎ
    ***
    ﻛﻠﻤﻨﻲ ﺷﻦ ﻭﺩﺍﻙ ﻗﺒﻴﻞ ﺗﻔﺮﺩ
    ﻣﺸﺎﻋﺮﻙ ﺗﻔﻀﺤﻬﺎ
    ﺧﻠﻴﺘﺎ ﺣﻲ ﺍﻟﺴﻮﻕ ﺭﻳﺎﺽ ﻳﺎﻧﻌﺔ
    ﻭﺯﻫﻮﺭﺓ ﻣﻔﺘﺤﺔ
    ﻃﻮﻟﺖ ﺍﻳﺪﻙ ﻟﻲ ﻗﻄﻮﻑ ﺯﻫﺮﺓ
    ﻭﻏﻤﻴﺼﺔ ﻣﺴﺎﺭﺣﻬﺎ
    ﺯﻱ ﻣﺎﻫﻲ ﻋﺎﺷﻘﻲ ﺍﻻﻏﺘﺮﺍﺏ ﺑﺮﺿﻮ
    ﺍﻧﺖ ﻋﺎﺷﻖ ﻣﻠﻤﺤﻬﺎ
    ***
    ﺻﺢ ﻛﺖ ﻳﺎﻣﺴﻜﻴﻦ ﺯﻣﺎﻥ ﺩﺍﻳﻤﺎ
    ﺗﺸﻜﺮﺓ ﺗﻤﺪﺣﻬﺎ
    ﻣﺎﺑﺘﺮﺿﻰ ﻟﻮ ﻛﺎﻥ ﺑﺎﻟﻐﻠﻂ ﺑﻲ ﻛﻠﻤﺔ
    ﺍﻧﺴﺎﻥ ﻳﺠﺮﺣﻬﺎ
    ﻣﺎ ﻛﺖ ﻓﻮﻕ ﻛﻞ ﺍﻟﺒﻨﺎﺕ ﺗﺴﺮﺩ
    ﻣﺤﺎﺳﻨﻬﺎ ﺗﺸﺮﺣﻬﺎ
    ﻛﺎﻧﺖ ﻋﻮﺍﻃﻒ ﺍﻧﺴﺎﻥ ﺿﻌﻴﻒ
    ﺳﺎﻛﺖ ﺟﻨﺎﺣﻲ ﻣﺠﻨﺤﺔ
    ***
    ﺍﻧﺸﺎﺀ ﺍﻟﻠﻪ ﻣﻨﻬﺎ ﺗﺘﻌﻆ ﻭﺗﻜﻮﻥ ﺧﻄﺎﻙ
    ﺗﺘﻮﺷﺤﺔ
    ﻛﺎﻧﺖ ﺣﺴﺎﺑﺎﺗﻚ ﻏﻠﻂ ﻓﻲ ﺍﻟﻘﺴﻤﺔ
    ﻭﺍﻟﻀﺮﺏ ﺍﺗﻤﺤﻲ
    ﺍﺗﺄﻧﻰ ﻓﻲ ﺟﺒﺮ ﺍﻟﻜﺴﻮﺭ ﺑﺮﺍﺣﺔ ﺍﺟﻤﻌﻬﺎ
    ﻭﺍﻃﺮﺣﻬﺎ
    ﻭﺍﺧﺮ ﺷﻲ ﻛﺎﻥ ﺗﻌﺮﻑ ﺑﺮﺍﻙ ﺣﺘﻰ
    ﺍﻟﻐﺮﺍﻡ ﺑﻘﺎ ﻣﺼﻠﺤﺔ
    ***
    ﺑﺖ ﺣﻮﺓ ﻳﺎ ﻣﻈﻠﻮﻡ ﺑﻘﺖ ﻟﻠﻤﺎﻝ
    ﻋﻘﻮﻟﻬﺎ ﻣﻠﻘﺤﺔ
    ﻳﺎ ﺭﻳﺖ ﻋﻘﻮﻝ ﺍﻟﻨﺎﺱ ﺑﻌﺪ ﻣﺎ ﺗﺤﺐ
    ﺗﺨﺶ ﺍﻟﻤﺸﺮﺣﺔ
    ﻳﻘﺮﻭﺍ ﺍﻟﻠﻲ ﻛﺎﻥ ﺧﺎﻓﻲ ﺍﻟﻘﻠﻮﺏ ﻛﻴﻒ
    ﺍﻟﺸﺮﺍﻳﻴﻦ ﺗﻨﻀﺤﺔ
    ﻭﻳﺘﺮﺍﺟﻊ ﺍﻟﻨﻄﻘﻮ ﺍﻟﻠﺴﺎﻥ ﺻﺢ ﻭﻟﻠﻪ
    ﺯﻱ ﺿﻞ ﺍﻟﻀﺤﺔ
    ***
    ﻣﻐﺮﻭﺭﺓ ﻣﺎ ﺩﺍﺭﺕ ﺳﻜﻮﻥ ﺑﻠﺪﺍ ﺷﻘﺎﻭﺓ
    ﻭﺩﺭﺩﺣﺔ
    ﻻ ﺗﻤﺸﻲ ﺗﻨﺰﻝ ﺑﻲ ﺗﺤﺖ ﻻ ﺣﺘﺎ
    ﺍﺭﺿﻚ ﺗﻨﻘﺤﻬﺎ
    ﻻﺑﻮﻗﺔ ﻻ ﻣﻮﻳﺔ ﺷﺮﺍﺏ ﻻ ﻭﺍﻃﺔ ﻣﺎﻫﺎ
    ﻣﺼﻠﺤﺔ
    ﻻ ﺷﻠﺖ ﻟﻠﻤﺤﺮﺍﺕ ﺳﻄﻮﺭ ﻻ ﺷﺘﻠﺔ
    ﻣﺎﻫﺎ ﻣﺼﻔﺤﺔ
    ***
    ﻛﺎﻧﺖ ﻗﺒﻴﻞ ﻃﻤﻌﺎﻧﻲ ﻓﻴﻚ ﻓﺎﺭﺱ
    ﺟﻴﻮﺑﻮ ﻣﺘﻤﺴﺤﺔ
    ﺩﺍﻳﺮﺍﻙ ﻳﻮﻡ ﺟﻴﺖ ﻟﻠﻌﺮﺱ ﻧﺎﺭ ﺍﻟﻠﻪ
    ﻓﻲ ﺍﻟﻨﺎﺱ ﺗﻘﺪﺣﻬﺎ
    ﺍﻟﺸﻴﻠﺔ ﺑﺎﻟﺸﻨﻂ ﺍﻟﻜﺒﺎﺭ ﻣﺒﻄﻮﺣﺔ
    ﺭﺍﻗﺪﻱ ﻣﺒﻄﺤﺔ
    ﺩﻱ ﺍﻟﺤﻠﻲ ﻭﺍﻟﻨﺎﺱ ﺟﺎﺕ ﺗﺸﻮﻑ
    ﺭﺍﺟﻴﻦ ﻣﺘﻴﻦ ﺗﺠﻲ ﺗﻔﺘﺤﻬﺎ
    ﻛﺎﻥ ﺑﺎﻟﻬﺎ ﻓﻲ ﺷﻬﺮ ﺍﻟﻌﺴﻞ ﻃﻮﻝ
    ﺍﻟﺰﻣﻦ ﻣﺎ ﻳﺒﺮﺣﻬﺎ
    ﺗﺴﻜﻦ ﻣﻌﺎﻙ ﻓﻲ ﺑﻴﺖ ﻛﺒﻴﺮ ﻣﻮﻛﻴﺖ
    ﻭﺣﻴﻄﻮ ﻣﺴﻠﺤﺔ
    ﻋﺮﺑﻴﺘﻚ ﺍﻟﻤﻠﻚ ﺍﻟﺤﻼﻝ ﺟﻠﺪ ﺍﻟﻨﻤﺮ
    ﻭﺍﻟﻤﻠﻔﺤﺔ
    ﺑﻮﺗﻮﺟﺎﺯ ﻣﻮﻟﻊ ﻭﺩﻳﺐ ﻓﺮﻳﺰﺭ ﻭﺍﺏ
    ﺭﻳﻤﻮﺕ ﻭﺍﻟﻤﺮﻭﺣﺔ
    ***
    ﺗﺴﺮﻕ ﻣﻨﺎﻫﺎ ﻗﺒﻞ ﻳﺘﻢ ﻛﻞ ﺍﻟﻤﺸﺎﻋﺮ
    ﺗﺠﺮﺣﻬﺎ
    ﻳﺎ ﺟﻌﻔﺮ ﺍﻟﺤﻴﺎﺓ ﻣﺪﺭﺳﺔ ﺩﺍﻳﻤﺎ ﻣﻘﺮﺭﺓ
    ﻓﻲ ﺍﻟﺼﺤﻲ
    ﻣﻤﻜﻦ ﻧﻌﻴﻨﻚ ﻓﻲ ﺍﻟﺪﺭﻭﺱ ﻟﻮ ﺍﻧﺖ
    ﻏﻠﺒﻚ ﺗﺸﺮﺣﻬﺎ
    ﻭﺍﻋﺮﻑ ﺑﺎﻧﻮ ﺍﻭﻝ ﺩﺭﺱ ﺍﻟﺰﻭﻝ ﺑﻴﺎﻛﻞ
    ﺍﻟﻤﻠﺤﺔ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ﻟﺴﺎﻥ ﺍﻟﺤﺎﻝ
    ﺣﺎﺗﻢ ﺣﺴﻦ ﺍﻟﺪﺍﺑﻲ
    ﺟﻌﻔﺮ ﺍﻟﺴﻘﻴﺪ
    ﻣﻌﺬﺭﺓ ﻟﻮ ﻣﻌﺎﻙ ﻣﻨﻰ ﺍﻟﻜﻼﻡ ﺣـــــﺮﻩ
    ﻣﻌﻠﻴﺶ ﺍﻟﺨﻄﺎﺏ ﻛﺎﺗﺒﺎﻫــــــﻮ
    ﻣﻀﻄﺮﺓ
    ﺣـــــــــــﺮﺍﻡ ﻭﺍﻟﻠﻪ ﻣﻨﻨـــﺎ ﺇﻧﺖ ﺗﺘﺒﺮﺍ
    ﺧﻤﺴﺔ ﺳﻨﻴﻦ ﺗﻔﻮﺕ ﺗﺠﻰ ﻓﻴﻬﺎ ﻓﺪ
    ﻣﺮﺓ
    ﻭﺭﺍﻙ ﺃﻧﺎ ﻛﻢ ﺷﻘﻴﺖ ﻭﻋﺸﺖ ﻓﻰ ﻣﺮﺓ
    ﻭﺗﻌﺒـــﺖ ﻣﻊ ﺍﻟﺒﻄﺎﻥ ﺍﻟﻬﻢ ﻟﻠﻌﻴﻮﻥ
    ﻏﺮﺓ
    ﺑﻴﺨﺎﻑ ﺍﻟﻐﺮﻕ ﺍﻟﻐﺎﺹ ﻭﺭﺍ ﺩﺭﺓ
    ﻗﺎﻟﻮﺍ ﺃﺩﺏ ﺍﻟﺼﻐﺎﺭ ﻭﺍﻟﻌﻘــــﺪﺓ ﻣﻦ
    ﺧﺪﺭﺓ
    ﺣﻠﻴﻠﻰ ﺃﻧﺎ ﻟﻲ ﺯﻣﻦ ﺿﻰ ﻓﺎﻃﺮﻯ ﻣﺎ
    ﺍﻧﻔﺮ
    ﻭﺧﻤﺴﺔ ﺳﻨﻴﻦ ﻏﻴﺎﺏ ﻣﺎﺑﺘﺤﻤﻠﻦ ﺣﺮﺓ
    ﺃﻧﺎ ﺍﻟﺤﺎﺿﻨﺔ ﺍﻟﻌﺬﺍﺏ ﻭﺁﻣﺎﻟﻰ ﻣﺤﺘﻀﺮﺓ
    ﻭﺇﻧﺖ ﺍﻟﻔﻰ ﺍﻟﻨﻌﻴﻢ ﻣﺎ ﺧﺎﺕ ﺣﺴﺎﺏ
    ﺑﻜﺮﺓ
    ﻣﺴﻜﻴﻨﺔ ﺍﻟﺘﻘﻮﻝ ﻓﻰ ﺍﻹﻏﺘﺮﺍﺏ ﺳﺘﺮﺓ
    ﻭﺗﺘﻨﺎﺳﻰ ﺍﻟﻘﺮﻭﺵ ﻓﻰ ﻳﻮﻡ ﺗﻜﻮﻥ
    ﺿﺮﺓ
    ﺣﻠﻴﻞ ﺯﻣﻨﻚ ﻭﻛﺖ ﻋﺎﻳﺸﻨﺎ ﺑﺎﻷُﺟــﺮﺓ
    ﻳﺎ ﺭﻳــــﺖ ﻻ ﻋﺮﻓـــــــﺖ ﻭﻻ ﻣﺮﻕ
    ﺑﺮﺓ
    ﺍﻟﻜﺎﺗﻤﺎ ﻓﻰ ﺟﻮﺍﻯ ﻛﺘﻴﺮ ﻣﺘﻤﻠﻚ
    ﺍﻟﺠﻮﻑ ﻭﺍﻟﻌﺼـﺐ
    ﻭﻣﺎ ﻛﺖ ﺩﺍﻳﺮﺓ ﺃﻗﻮﻟﻮ ﻟﻴـﻚ ﻟﻜﻦ ﻟﺴﺎﻥ
    ﺍﻟﺤﺎﻝ ﻏﻠـﺐ
    ﻣﺎ ﺑﻨﺴﻰ ﻳـﻮﻡ ﻭﺩﻋﺘـﻨﺎ ﻭﺳﺎﻓـﺮﺕ ﻓﻰ
    ﻏـﺮﺓ ﺭﺟـﺐ
    ﺧﻠـﻴﺖ ﻭﺭﺍﻙ ﺍﻟـﺪﺍﺭ ﺣـﺰﻳﻦ ﻳﺘﺒﺎﻛـﺎ
    ﻭﺍﻟﺪﻣﻊ ﺍﻧﺴﻜـﺐ
    ﺃﻋﺬﺭﻧﻰ ﻭﺍﻟﻠﻪ ﺍﻟﻌﻈﻴـﻢ ﻟﻮ ﻣﺎ
    ﺍﻟﻀـﺮﻭﺭﺓ ﺃﻧﺎ ﻣﺎ ﻛـﺘﺐ
    ﻭﺃﻧﺎ ﺧﺎﻳﻔـﺔ ﻓﻰ ﺑﻌـﺪﻙ ﻳﻜﻮﻥ ﺍﻟﻀﺎﻉ
    ﻫﻮ ﺿﻌﻒ ﺍﻟﻤﻜﺘﺴـﺐ
    ﺍﻟﻴﻮﻣـﺔ ﺩﺍﻙ ﻧﺎﺱ ﺍﻟﺒﻠـــﺪ ﻫﻨﻮﻧﻰ
    ﺷﺎﻳﻘﻴــــــﻰ ﻭﻋﺮﺏ
    ﻗﺎﻟﻮﺍ ﻟﻰ ﻣﺒﺮﻭﻙ ﺧﻴﺮ ﻭﺟﺎﻙ ﻳﻜﺘﺐ
    ﺳﻼﻣــــﺘﻮ ﺍﻹﻏــﺘﺮﺏ
    ﻗﺎﻟﻮﺍ ﻟﻰ ﺩﻭﺏ ﻧﺠﻢ ﺍﻟﺴﻌﺪ ﻃﻼﻛﻰ
    ﻣﻦ ﺑﻌـــــﺪ ﺇﺣﺘﺠــﺐ
    ﻳﺎ ﺩﻭﺑﺎ ﺑﺎﻟﻚ ﻳﺴﺘﺮﻳﺢ ﻭﺗﻨﺴﻰ
    ﺍﻟﻌـــــــﺬﺍﺑﺎﺕ ﻭﺍﻟﺘﻌــــﺐ
    ﻓﻀّﻠﺖ ﺃﺣﺴﺐ ﻓﻰ ﺍﻟﺸﻬﻮﺭ ﻗﺎﻋﺪﺍﻟﻰ
    ﻓﻮﻕ ﻧﻴﺮﺍﻥ ﻟﻬــﺐ
    ﺻﺎﺑﺮﺓ ﻭﺣﺮﻳﺼﺔ ﻋﻠﻰ ﺍﻟﻌﻴﺎﻝ ﻻ ﺑﻴﻘﻮ
    ﻟﻠﺮﻳﺢ ﻓﻰ ﺍﻟﻤﻬـﺐ
    ﺳﺪﻳﺖ ﺧﺎﻧﺘﻚ ﻣــﻦ ﻣﺸﻴﺖ ﻗﺎﻳﻤـﺎﺑﻮ
    ﻭﺍﺟﺒــــﻰ ﻛﺄﻡ ﻭﺃﺏ
    ﻭﺍﻷﺳــــﺮﺓ ﻳﻀﻨﻴﻬﺎ ﺍﻟﻤﺴﻴﺮ ﻭﺗﺘﻬﺎﻭﻯ
    ﻟﻮ ﻣﺎ ﻓﻴﻬﺎ ﺭﺏ
    ﻭﺍﻟﻠﻪ ﻣﺎ ﺑﻨــــﻜﺮ ﺟﻤﻴﻠﻚ
    ﺑﺮﺿـــــــــﻮ ﻟﻴﻨﺎ ﺛﻨﺎﻙ ﻭﺟﺐ
    ﻣﻮﻛﺐ ﻫﺪﺍﻳﺎﻙ ﻣﺎ ﺍﻧﻘﻄﻊ ﻛﺎﻥ ﺳﺘﺮﺓ
    ﻓﻰ ﺍﻟﺰﻣـﻦ ﺍﻟﺼﻌﺐ
    ﻻﺑﺴﻴﻦ ﻭﻣﺎﻛﻠﻴﻦ ﻭﺍﻟﻨﻌﻴﻢ ﻛﺎﻳﻠﻨﺎ ﻓﻰ
    ﻳﻮﻡ ﻣﺎ ﻧﻀﺐ
    ﻭﻋﺎﻳﺸﻴﻦ ﻣﻌﻴﺸــــــــــــﺔ ﺍﻟﻤﺘﺮﻓﻴﻦ
    ﻃﻮﻟﻨﺎ ﻭﺍﻟﻄﺒﻊ ﺇﺗﺨﺮﺏ
    ﺍﻟﺒﻴﺖ ﻣﻔﺮﺵ ﺑﺎﻟﺤﺮﻳﺮ ﻭﻣﻠﻴﺎﻧﻲ ﺇﻳﺪﻯ
    ﺑﺎﻟﺪﻫﺐ
    ﻟﻜﻦ ﺧﺴﺎﺭﺓ ﻋﻠﻰ ﻣﺤﻞ ﻋﺎﺵ ﺳﻴﺪﻭ
    ﺧﻤﺴــــــــــﺔ ﺳﻨﻴﻦ ﻋﺰﺏ
    ﺍﻟﺸﻰ ﺍﻟﻤﻬﻢ ﻣﺎ ﻗﻠﺘﻮ ﻟﻴﻚ ﻭﻟﻴﻬﻮ ﺇﻧﺖ
    ﻣﺎ ﻇﻨﻴﺖ ﺣﺴﺐ
    ﻛﺒﺮﻭ ﺍﻟﺼﻐﻴﺮﻭﻧﻴﻦ ﺧﻼﺹ ﺧﺎﻳﻔﺎﻟﻢ
    ﺍﻟﻄﺒــــــــــﻊ ﺍﻟﻜﻌﺐ
    ﻭﺻﻮﻟﻮﻫﺎ ﻣﺮﺣﻠﺔ ﺍﻟﺨﻄﺮ ﻭﺍﻷﻣﻦ ﻣﺎ
    ﺯﺍﻝ ﻣﺴﺘﺘﺐ
    ﻭﺍﻧﺎ ﻛﺖّ ﻗﺎﺩﺭﺍﻫﻢ ﺯﻣﺎﻥ
    ﻟﻜـــــــــــــﻦ ﺑﻌﺪ ﻛﺒــــــﺮﻭ ﺍﺗﻐﻠﺐ
    ﺣﺼﻠﻨﻰ ﻗﺒﻞ ﺍﻟﺠﺪ ﻳﻔﻮﺕ ﺩﻭﺑﻨﻬﻢ
    ﻓﻮﻕ ﺍﻟﻌﺘﺐ
    ﻗﺒﺎﻝ ﻧﺤﺼـــــــــــــــﺪ ﺍﻟﺨﻴﺮ ﻧﺪﻡ
    ﻭﻣﺎﺑﻴﺠﺪﻯ ﻛﺎﻥ ﻟٌﻤﺖ ﻭﻋﺘﺐ
    ﺧﺎﻳﻔﺎﻟﻦ ﺍﻟﻄﻴﺶ ﻓﻰ ﺍﻟﺪﺭﻭﺱ
    ﻭﻣﺎﺑﺮﺿﻰ ﻟﻮ ﻭﺍﺣﺪ ﺭﺳﺐ
    ﺧﻮﻓﻨﻰ ﺍﻟﻤﺘﻌﺒﻨﻰ ﺍﻟﻜﺒﻴـــــــــﺮ
    ﺑﻌﺪﻳﻦ ﻳﻤﺮﻗﻮ ﺑﻼ ﺃﺩﺏ
    ﻭﺭﻳﺘﻚ ﺍﻟﺤﺎﺻﻞ ﻋﻠﻰ ﻻ ﻓﻴﻬﻮ ﺛﻮﺭﺓ
    ﻭﻻ
    ﺷﺎﻥ ﺍﻟﺤﺪﻳﺚ ﻣﺎﻳﺒﻘﻰ ﻧﻰ
    ﻭﺍﻟﻮﺍﺣــــــــــــــــــﺔ ﻳﻜﺘﻨﻔﺎ ﺍﻟﺠﺪﺏ
    ﺃﻧﺎ ﻗﻠﺒﻰ ﻣﺎﺯﺍﻝ ﻟﺴﺔ ﺣﻰ ﻭﻧﺠﻤﻮ
    ﺍﻟﻤﻼﻫﺞ ﻣﺎﻏﺮﺏ
    ﻭﺁﺧﺮ ﻛﻼﻣﻰ ﺗﺮﺩ ﻋﻠﻰ ﻻ ﺃﺑﻘﻲ
    ﺑﻜـــــــــــــﺮﺓ ﺃﻧﺎ ﺍﻟﺴﺒﺐ
    ﻣﺎ ﻛﻨﺖ ﺩﺍﻳــــﺮﺓ ﺍﻗﻮﻟﻮ ﻟﻴﻚ ﻟﻜﻦ
    ﻟﺴﺎﻥ ﺍﻟﺤﺎﻝ ﻏﻠﺐ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ﺣﺒﻲ ﺍﻧﺎ ﻟﻴﻚ ﻛﺎﻥ ﺯﺍﺩﻱ
    ﻋﻼﺀ ﺍﻟﺪﻳﻦ ﻋﺒﺪﺍﻟﺮﺣﻴﻢ ﻋﺒﺪﺍﻟﻠﻪ
    ﻋﺒﺪﺍﻟﺮﺣﻴﻢ ﺃﺭﻗﻲ
    ﺣﺒﻚ ﻛﺎﻥ ﺯﺍﺩﻱ ﻛﺎﻥ ﺟﻮﻩ ﺍﻟﺤﻨﺎﻳﺎ
    ﺩﻓﻴﻦ
    ﻛﻨﺖ ﺑﻀﺎﺭﻱ ﻣﻦ ﺍﻟﻨﺎﺱ ﻭﺧﺎﻳﻔﻲ
    ﻋﻠﻴﻪ ﻣﻦ ﺍﻟﻌﻴﻦ
    ﻋﻠﻴﻪ ﺍﻧﺎ ﻛﺖ ﺑﺼﻮﻡ ﻭﺍﻓﻄﺮ ﻋﻠﻴﻪ
    ﺑﻜﺎﺑﺪ ﺍﻟﻨﺎﺭﻳﻦ
    ﻛﺖ ﺑﺤﺴﺐ ﺳﻨﻴﻦ ﺍﻟﻐﺮﺑﻪ ﻟﻤﺎ ﺗﻌﻮﺩ
    ﺗﺠﻴﻨﻲ ﻣﺘﻴﻦ
    ﻭﻛﺖ ﺑﺮﺟﺎﻙ ﻓﻮﻕ ﺍﻟﻨﺎﺭ ﻟﻤﺎ ﻭﻛﺖ
    ﻟﻘﺎﻧﺎ ﻳﺤﻴﻦ
    ﻧﻮﻧﺲ ﻓﻲ ﺑﺮﺍﺀﺓ ﺍﻃﻔﺎﻝ ﻓﻲ ﺍﻟﺤﺐ
    ﻧﺮﻭﻱ ﻧﻨﻬﻞ ﺯﻳﻦ
    ﻭﻛﻞ ﻣﺎ ﻳﻮﻡ ﻳﺰﻳﺪ ﺍﻟﺒﻴﻨﺎ ﻟﻤﺎ ﺑﻘﻴﻨﺎ
    ﻗﺎﺏ ﻗﻮﺳﻴﻦ
    ﺍﺗﺎﺭﻱ ﺍﻧﺎ ﻛﺖ ﻓﻴﻚ ﻣﺨﺪﻭﻋﻪ ﻭﻛﻢ ﻣﻦ
    ﺯﻳﻲ ﻣﺨﺪﻭﻋﻴﻦ
    ﻭﻣﺎﻗﺎﻳﻼﻙ ﺗﻠﻌﺐ ﺑﻲ ﺗﻌﻴﺶ ﺍﻟﻠﺤﻈﻪ
    ﺑﺲ ﻭﺍﻟﺤﻴﻦ
    ﻣﺎﻗﺎﻳﻼﻙ ﺣﺒﻴﺐ ﺁﻻﻑ ﻭﻗﻠﺒﻚ ﻗﺒﻠﻪ
    ﻟﻠﻀﺎﻟﻴﻦ
    ﻭﻣﺎﻗﺎﻳﻼﻙ ﺗﻨﺴﻰ ﺣﺒﻴﺐ ﺻﺒﺮ
    ﺭﺍﺟﻴﻚ ﺳﺘﻪ ﺳﻨﻴﻦ
    ﻭﺗﺸﻐﻞ ﺑﺎﻟﻚ ﺍﻻﺷﻮﺍﻙ ﻻﻣﻦ ﻳﺬﺑﻞ
    ﺍﻟﻴﺎﺳﻤﻴﻦ
    ﻭﻛﻴﻔﻦ ﻫﺎﻥ ﻋﻠﻴﻚ ﺗﻨﺴﺎﻩ ﺯﻭﻻ ﻛﺎﻥ
    ﻋﻠﻴﻚ ﺣﻨﻴﻦ
    ﻭﻛﺖ ﺩﺍﻳﺮﺍﻙ ﺑﺴﻤﻪ ﻋﺮﻳﻀﻪ ﻓﻲ ﻭﺵ
    ﺍﻟﺰﻣﺎﻥ ﺍﻟﺸﻴﻦ
    ﻭﻛﺖ ﺩﺍﻳﺮﺍﻙ ﻭﻛﺖ ﺍﻟﺤﺎﺭﻩ ﺗﺒﻘﻰ ﻟﻲ
    ﺩﺧﺮ ﺧﺰﻳﻦ
    ﻭﻛﺖ ﺩﺍﻳﺮﺍﻙ ﻣﻘﻨﻊ ﺣﻮﺑﻪ ﻭﻛﺘﻴﻦ
    ﺍﻟﻤﻀﺎﺭﻩ ﻳﺒﻴﻦ
    ﻭﻛﺖ ﺩﺍﻳﺮﺍﻙ ﻓﺎﺭﺱ ﺍﺣﻼﻡ ﺗﺸﺎﺭﻛﻨﻲ
    ﻭﻧﺘﻢ ﺍﻟﺪﻳﻦ
    ﻭﻛﺖ ﺩﺍﻳﺮﺍﻙ ﺷﺮﻳﻚ ﺍﻟﺮﻭﺡ ﺍﺧﺪﻣﻚ
    ﺣﺎﻓﻴﺔ ﺍﻟﻘﺪﻣﻴﻦ
    ﻭﻛﺖ ﺑﺤﻠﻢ ﺑﻚ ﺍﻧﺖ ﻣﻌﺎﻱ ﻣﺠﻴﺮﺗﻖ
    ﺑﺎﻟﻌﺪﻳﻞ ﻭﺍﻟﺰﻳﻦ
    ﻭﺟﻤﺒﻚ ﻓﻲ ﺷﻤﺎﻟﻚ ﻗﺎﻋﺪﻱ ﻧﺴﻤﻊ
    ﻓﻲ ﺩﻗﺮ ﻳﺎﻋﻴﻦ
    ﻧﺒﺸﺮ ﺯﻳﻦ ﻣﻊ ﺍﻻﺻﺤﺎﺏ ﻭﺗﻨﺸﺒﻞ ﻣﻦ
    ﺍﻟﻮﺯﻳﻦ
    ﺍﻧﺎ ﺍﻻﺑﺤﺮﺕ ﺭﺍﻛﺒﻲ ﺍﻟﻤﻮﺝ ﺑﻘﻴﺖ
    ﻣﺮﺳﺎﻳﺎ ﺑﻴﻦ ﻣﻮﺟﺘﻴﻦ
    ﻭﺩﺍﻋﺎً ﻳﺎﺳﺮﺍﺏ ﺧﺪﺍﻉ ﻣﺤﺎﻝ ﻣﺎﺑﻴﺮﻭﻱ
    ﻋﻄﺸﺎﻧﻴﻦ
    ﻭﺩﺍﻋﺎ ﻳﺎﺣﻠﻢ ﻋﺎﺑﺮ ﻭﻳﺴﻌﺪ ﻭﻳﻔﺮﺡ
    ﺍﻟﻨﺎﻳﻤﻴﻦ
    ﻭﺩﺍﻋﺎً ﻳﺎﻛﻼﻡ ﻣﻌﺴﻮﻝ ﺣﺪﻭ ﻭﻣﻜﻤﻨﻮ
    ﺍﻟﺸﻔﺘﻴﻦ
    ﻭﺩﺍﻋﺎً ﻳﺎﺳﺤﺎﺑﺔ ﺻﻴﻒ ﺷﺎﻳﻠﻲ ﻣﻄﺮ
    ﺿﻠﻴﻼ ﺭﻫﻴﻦ
    ﺗﺒﺸﺮ ﺑﻲ ﺧﺮﻳﻒ ﺟﺎﻳﻴﻨﺎ ﻻﻣﻦ ﻧﺎﺱ
    ﺭﺟﻮﻫﻮ ﺳﻨﻴﻦ
    ﻭﻛﻞ ﺯﻭﻻ ﺑﻔﻜﺮ ﻓﻴﻬﺎ ﻣﺎﻣﻌﺮﻭﻓﻪ ﺗﻨﺰﻝ
    ﻭﻳﻦ
    ﻭﺍﻟﻒ ﺳﻼﻡ ﻋﻠﻴﻚ ﻳﺎﻗﻠﺒﻲ ﺍﻟﻤﺴﺎﻟﻢ
    ﻭﺩﻳﻤﻪ ﻃﺒﻌﻮ ﺣﻨﻴﻦ
    ﻳﺘﺎﻭﺭﻭ ﺍﻟﺸﻮﻕ ﻭﻳﻠﻌﺐ ﺑﻴﻪ ﺗﻨﺤﺮ ﻓﻲ
    ﺣﺸﺎﻩ ﺍﻟﺴﻜﻴﻦ
    ﺗﻌﺎﻭﺩﻭ ﺍﻟﺬﻛﺮﻯ ﻓﻲ ﺟﻮﺍﻩ ﺣﺎﻟﺘﻮ
    ﺗﺤﻨﻦ ﺍﻟﻤﺴﻜﻴﻦ
    ﺃﺧﻴﺮﺍ ﻟﻴﻚ ﺍﻟﻒ ﺳﻼﻡ ﻗﺒﻞ ﻣﺎﺗﺠﻒ
    ﺩﻣﻮﻉ ﺍﻟﻌﻴﻦ
    ﻭﻗﺒﺎﻝ ﻣﻨﻲ ﻣﺎﺗﻌﺪﻱ ﻭﻗﺒﺎﻝ ﺍﻟﻔﺮﺍﻕ
    ﻣﺎﻳﺤﻴﻦ
    ﺑﺨﻴﺖ ﻭﺳﻌﻴﺪ ﻋﻠﻴﻚ ﺍﻧﺸﺎﻟﻠﻪ ﻳﺒﻘﺎﻟﻚ
    ﻋﻤﺎﺭ ﻭﺑﻨﻴﻦ
    ﻭﻗﻠﺒﻲ ﺍﻧﺎ ﺧﻠﻲ ﻓﻲ ﺍﻧﺎﺗﻮ ﺑﻌﺪﻙ ﻳﺎﻣﺎ
    ﺭﺍﺟﻲ ﺍﻧﻴﻦ
    ﻭﺍﻥ ﻛﺎﻥ ﻳﺎﻗﻠﺐ ﺣﺒﻴﺖ ﺑﻌﺪﻭ ﺑﻌﺪ
    ﻗﺴﻤﺖ ﻳﻤﻴﻦ
    ﺍﻧﺸﺎ ﻟﻠﻪ ﻣﺎﻳﻨﺘﻢ ﻟﻴﻚ ﻣﺮﺍﺩ ﻭﻣﺎﺗﻀﻮﻕ
    ﻻﺣﻠﻮ ﻭﻻﺯﻳﻦ
    ﻭﻋﻤﺮﻙ ﻣﺎﺗﺠﻴﻚ ﺳﻌﺎﺩﻩ ﻭﻣﺎﺗﺘﻬﻨﺎ
    ﻗﻮﻝ ﺁﻣﻴﻦ
    ﻭﺗﺎﻧﻲ ﺍﻟﺤﺐ ﻋﻠﻴﻚ ﺣﺮﻣﺎﻥ ﻭﻋﺪ ﺍﻟﺤﺮ
    ﺃﻣﺎﻧﻪ ﻭﺩﻳﻦ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ﻣﺒﺮﻭﻙ ﺍﻟﺠﺪﻳﺪ
    ﺣﺎﺗﻢ ﺣﺴﻦ ﺍﻟﺪﺍﺑﻲ
    ﻋﺒﺪﺍﻟﻘﻴﻮﻡ ﺍﻟﺸﺮﻳﻒ
    ﻣﺒﺮﻭﻙ ﺍﻟﺠﺪﻳﺪ ﻳﺎ ﻧﺎﺳﻲ ﻣﺒﺮﻭﻙ
    ﺍﻟﺠﺪﻳﺪ
    ﻟﻤﻴﺖ ﺭﻓﻴﻖ ﺩﺭﺑﻚ ﺧﻼﺹ ﺧﻠﻴﺘﻨﻲ
    ﻟﻰ ﺍﻵﻵﻡ ﻭﺣﻴﺪ
    ﺃﻧﺎ ﺑﺎﻛﻲ ﻓﻮﻕ ﻧﺎﺭ ﺍﻟﺠﺤﻴﻢ ﺑﺘﻘﻠﻲ
    ﻭﺍﻧﺖ ﺗﻌﻴﺶ ﺳﻌﻴﺪ
    ﻟﺒﺴﺖ ﻭﺷﺎﺣﺎﺕ ﺑﺎﻟﺤﺰﻥ ﺩﻧﻴﺎﻱ -
    ﺩﻧﻴﺎﻙ ﺍﻧﺖ ﻋﻴﺪ
    ﺭﻏﻢ ﺇﻧﻰ ﻋﺎﺭﻓﻮ ﺑﻜﺎﻯ ﺃﺑﺪﺍً ﻣﺎ ﺑﻴﻔﻴﺪ
    ﺷﻦ ﺣﻴﻠﺘﻲ ﺗﺎﻧﻰ ﺑﻼﻫﻮ ﻳﺎ ﻗﺎﺳﻰ
    ﻭﻋﻨﻴﺪ
    ﺑﺎﻟﻠﻪ ﻣﺎ ﻓﻜﺮﺕ ﻳﻮﻡ ﻓﻰ ﺍﻟﺒﻴﻨﺎ ﻓﻲ
    ﺍﻟﺤﺐ ﺍﻟﻮﺋﻴﺪ
    ﻭﻛﻴﻒ ﺣﺎﻝ ﻗﻠﻴﺐ ﻣﺮﻳﻮﺩﻙ ﺍﻟﻐﺪﺭﻭ
    ﺍﻟﻤﺮﻳﺪ
    ﺑﺎﻟﻠﻪ ﻣﺎ ﻃﺎﻑ ﺑﺨﻴﺎﻟﻚ ﻣﺮﺓ ﻋﻴﻦ
    ﺟﻔﺖ ﺍﻟﻐﻤﻴﺾ
    ﺟﺎﺭﺕ ﻋﻮﺍﻃﻔﻚ ﻭﺑﻌﺘﻮ ﺑﻰ ﺗﻤﻨﺎً
    ﺯﻫﻴﺪ
    ﻳﺎ ﺍﻟﺴﺎﺭﻗﺔ ﻣﺨﺰﻭﻥ ﻗﻠﺒﻰ ﺳﻴﺒﺘﻰ ﺑﻼ
    ﺭﺻﻴﺪ
    ﻛﺬﺏ ﺍﻟﻘﻠﺐ ﻟﻮ ﻧﻴﺘﻮ ﻣﻦ ﺑﻌﺪﻙ ﻳﺮﻳﺪ
    ﺣﺒﻚ ﺻﺒﺢ ﺩﻣﻌﺔ ﻓﺮﺍﻕ ﺣﺮﺍﻗﻪ
    ﺩﺍﻋﺒﺖ ﺍﻟﺨﺪﻳﺪ
    ﻭﺇﻥ ﺟﺎﺭﻩ ﺳﺎﻟﺖ ﻣﻦ ﻣﻘﻞ ﻭﺍﺩﻳﻬﺎ
    ﻛﺎﻥ ﻗﺒﻠﻚ ﺟﻠﻴﺪ
    ﺃﻭﻋﻚ ﺗﻘﻮﻝ ﻟﻰ ﺍﻟﺤﺼﻞ ﺑﻴﻨﺎﺗﻨﺎ ﻣﺎ ﻟﻰ
    ﻓﻴﻬﻮ ﺇﻳﺪ
    ﻛﺬﺍﺑﻪ ﻳﺎ ﻟﻮﺣﺔ ﺳﻤﺎﺡ ﻣﺮﺳﻮﻣﺔ ﻓﻲ
    ﺑﺎﻟﻰ ﺍﻟﺸﺮﻳﺪ
    ﻭﺁ ﺿﻴﻌﺔ ﺍﻟﻘﻠﺐ ﺍﻟﺰﺭﻉ ﺁﻣﺎﻟﻮ ﻭﺁ ﻭﺟﻌﻮ
    ﺍﻟﺸﺪﻳﺪ
    ﺫﺑﻠﺖ ﺯﻫﻮﺭ ﺳﺎﻗﻴﻬﺎ ﻣﻦ ﺩﻡ ﺍﻟﻮﺭﻳﺪ
    ﺻﺢ ﻗﺒﻠﻰ ﻗﻴﺲ ﻛﺎﻥ ﺗﺎﻩ ﻭﻃﺎﺵ
    ﺿﺮﺏ ﺍﻟﻬﻮﻳﺪ
    ﻋﻨﺘﺮ ﻋﺸﺎﻥ ﺭﻳﺪ ﻋﺒﻠﺔ ﻛﻢ ﻛﺴﺮ ﺣﺪﻳﺪ
    ﺍﻟﻠﻴﻠﺔ ﺷﺒﻌﺎﻥ ﻓﻰ ﺍﻷﻟﻢ ﻗﺒﺎﻟﻰ ﻭﺩ
    ﻋﺒﺪﺍﻟﺤﻤﻴﺪ
    ﻓﻮﻕ ﺩﺭﺑﻮ ﺍﻧﺎ ﺍﻟﻔﺎﻗﺪ ﺍﻟﺮﺷﺪ ﻛﻴﻔﻦ
    ﻳﺴﻤﻮﻧﻰ ﺍﻟﺮﺷﻴﺪ
    ﻣﺒﺮﻭﻙ ﻋﻠﻴﻚ ﺑﻴﺖ ﺍﻟﺤﻼﻝ ﺇﻥ ﺷﺎﺀ
    ﺍﻟﻠﻪ ﻭﺍﻟﻌﻴﺶ ﺍﻟﺮﻏﻴﺪ
    ﻣﺒﺮﻭﻙ ﻋﻠﻴﻚ ﺳﻌﺪﺍً ﺷﺪﺕ ﻗﻤﺮﻳﺘﻮ
    ﻏﺎﺯﻟﺖ ﺍﻟﺠﺮﻳﺪ
    ﻣﺒﺮﻭﻙ ﻋﻠﻴﻚ ﺣﺮﻭﻑ ﻧﻐﻢ ﻣﻨﻈﻮﻣﺔ
    ﻓﻲ ﺃﺑﻴﺎﺕ ﻗﺼﻴﺪ
    ﻣﺒﺮﻭﻙ ﻋﻠﻴﻚ ﺑﻴﺘﺎً ﺗﺒﻜﺮﻯ ﻓﻴﻬﻮ ﻗﺒﻞ
    ﺍﻟﺒﺖ ﻭﻟﻴﺪ
    ﺍﻧﺴﻴﻬﻮ ﺯﻭﻻً ﻛﺎﻥ ﻣﻌﺎﻙ ﺣﺼﺎﺩﻭ
    ﻣﻠﻴﺎﻥ ﺳﺎﻗﻮ ﻗﻴﺪ
    ﻛﻨﺘﻰ ﺍﻷﻣﻞ ﻟﻜﻦ ﺑﻘﻴﺘﻰ ﺳﺮﺍﺏ ﺑﻌﻴﺪ
    ﻳﺎ ﺣﻠﻴﻞ ﻗﻠﻴﺒﻮ ﺍﻟﺒﺎﺗﺮﻭ ﺳﻴﻒ ﺍﺑﻦ
    ﺍﻟﻮﻟﻴﺪ
    ﺷﻘﻴﺎﻥ ﻳﻤﻮﺕ ﺑﻰ ﺷﻘﺎﻫﻮ ﻭﺍﻟﻐﻴﺮ
    ﻳﺴﺘﻔﻴﺪ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ﻻ ﺯﻣﻨﻰ ﺍﺑﺘﺴﻢ
    ﻭﻻ ﻓﺎﺭﻗﺖ ﻫﻢ
    ﺍﺻﻠﻮ ﺍﻟﺮﻳﺪ ﻗﺴﻢ
    ﻣﻘﺴﻮﻡ ﻟﻲ ﺍﻟﻢ
    ﻳﺎﺑﺪﺭ ﺍﻟﻠﻴﺎﻟﻰ
    ﺣﺒﻰ ﻟﻴﻚ ﻣﺜﺎﻟﻰ
    ﺍﺭﺣﻢ ﻭﺣﻦ ﻟﺤﺎﻟﻰ
    ﻣﺎﺩﺍﻡ ﺍﻟﺒﻴﻨﺎ ﻏﺎﻟﻰ
    ﻻ ﺍﻏﺮﻭﻧﻰ ﻏﻴﺮﻙ
    ﻭﻻ ﺧﻠﻴﺖ ﻣﺴﻴﺮﻙ
    ﻟﺴﻪ ﻣﺎﺯﺍﻝ ﻗﻠﻴﺒﻰ
    ﻟﺴﻪ ﻣﺎﺯﺍﻝ ﺍﺳﻴﺮﻙ
    ﺳﺎﻋﻰ ﺩﻭﺍﻡ ﻟﻘﺮﺑﻚ
    ﻭﺩﺍﻳﻤﺎ ﻋﻨﻰ ﺑﺎﻋﺪ
    ﻣﺮﺓ ﺗﺤﻦ ﻋﻠﻴﺎ
    ﻭﻛﺘﻴﺮ ﻣﺮﺍﺕ ﺗﻌﺎﻧﺪ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven


      الوقت/التاريخ الآن هو السبت 15 ديسمبر - 11:04