الشجن المهاجر

اهــــــلا وسهـــــلا
الشجن المهاجر

ست شموس الكون منايه

المواضيع الأخيرة

» ادريس محمد جماع/ ديوان ( لحظات باقية) 2
السبت 7 أبريل - 12:05 من طرف Admin

» ادريس محمد جماع ديوان ( لحظات باقية)
السبت 7 أبريل - 11:50 من طرف Admin

» محمد علي كلاي
الثلاثاء 29 ديسمبر - 12:27 من طرف ذكي سيد احمد

» أنيس منصور
الأربعاء 18 نوفمبر - 21:13 من طرف Admin

» بيتر ألتنبرغ
الأربعاء 18 نوفمبر - 21:05 من طرف Admin

» أندريه موروا
الأربعاء 18 نوفمبر - 21:03 من طرف Admin

» أنت مثل جميع من في الكون، تستحق حبك وعاطفتك. "جوتاما بوذا"
الأربعاء 18 نوفمبر - 20:54 من طرف Admin

» غروشو ماركس
الأربعاء 18 نوفمبر - 20:49 من طرف Admin

» ونستون تشرشل
الإثنين 16 نوفمبر - 14:08 من طرف Admin


    ايه لقيت فيه الجديد

    شاطر
    avatar
    Admin
    Admin

    المساهمات : 257
    تاريخ التسجيل : 06/09/2014
    العمر : 36
    الموقع : السودان

    ايه لقيت فيه الجديد

    مُساهمة من طرف Admin في الثلاثاء 30 سبتمبر - 23:26

    ليه حياتنا أخترت غيرها
    فيها أحلامنا وكلامنا
    فيها حاجاتنا الصغيرة
    كيف تغطي الصوره صوره
    ريدنا داك يا سيدي كلو يبقى ماضيك بالضرورة
    ايه لقيت فيه الجديد
    ريدتو من حاجات بقولا
    او ليك قرب أماني بينا ما قادر تطولا
    هل قدر يكسر غرورك
    هل هو في الاحلام بزورك
    هل هو بالجد بيعرف لعبة الريد واصولا
    هل صحيح راقي ومهندم
    هل ببكي الريد عيونو
    هل عرفتو ما بتندم في الليالي القاسي طولا
    الف مبروك يا مخير
    انت بتبيع المشاعر
    ما البصر دون البصائر
    والاصل ما ببقي صورة.

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    قلت أرحل ..
    أسوق خطواتي من زولاً نسى الإلفة
    أهون ليل
    أساهر ليل
    أتوه من مرفى لي مرفى
    ابدل ريد بعد ريدك
    عشان يمكن يكون اوفي
    رحلت وجيت
    في بعدك لقيت
    كل الأرض منفى
    عيونك زي سحاب الصيف تجافي بلاد وتسقي بلاد
    وزي فرحاً يشيل مني الشقا ويزداد
    وزي كلمات بتتأوّه.. تتوه لمن يجي الميعاد
    وزي عيدا غشاني وفات عاد عمّ البلد أعياد
    وزي فرح البعيد العاد
    وزي وطناً وكت اشتاقلو برحل ليهو من غير زاد
    بدون عينيك بصبح زول بدون ذكرى وبدون ميلاد
    رحلت وجيت
    في بعدك لقيت
    كل الأرض منفى
    زمان الفرقة والتجريح بسيبو عشان تشيلو الريح
    بسيبو عشان صحيح الذكرى بتّوِّه عمرنا صحيح
    وانتِ معاية لا بندم ولا بقضي العمر تبريح
    أصلو العمر شوقا حزنا كان وصبرا كان فسيح وفسيح
    أصلو العمر كان دربا مشيتو كسيح
    وكان غرسا سقيتو بكى وقبضت الريح
    رحلت وجيت
    في بعدك لقيت
    كل الأرض منفى
    منفى

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    أغنية الأماني العذبة
    غناء خليل اسماعيل
    اشعار محمد علي ابوقطاطي

    Like a Star @ heaven  Like a Star @ heaven

    بكرة يا قلبى الحنين تلقى السعاده
    تبقي هانى وابتساماتك معاده

    والسرور يملأ حياتي ويبقى زادا
    وعينى تشبع نوم بعد ما طال سهادا

    وانسي غلبى ..
    والرياحين تملأ دربى
    وامسح الدمع البسيل يملأ الوساده

    كم سهرت الليل وكم سالت دموعى
    والالم فى قلبى اصبح شئ طبيعى
    والشباب افنيتو ابحث عن وجيعى

    عشت راهب .. بين تراتيلى وخشوعى
    بكرة تتحقق امانى
    والفؤاد يرتاح ويتجدد زمانى والسعاده ...

    تكون جزاء صبرى وصنيعى
    الامانى العذبه تتراقص حيالى
    والامل بسام يداعب فى خيالي
    حلمى بكرة ... وذكرى ايامى الخوالى



    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    اشعار سيد عبدالعزيز تلحين وغناء ابوالاغنية السودانية الحديثة ابراهيم الكاشف

    حـيـاتى ومـعـاها
    الـعـطف الـجزيل
    بـإسـم الـحـب
    أقــدم لـيك حـياتى

    عـليك يا حب تحياتى
    عليك أوقفت غاياتى
    لـحبى أضـحى بحياتى
    أحب الحب وأيامه
    وذكـرياته وأحـلامه
    ومـا يوحيه إلهامه

    حـياة الـحب أسميها
    السعادة بكل معانيها
    أقـيم ليلاى أغنيها
    روح يا لليل تعال يا ليل
    أحـب فـى كل أوقاتى
    ألاقى حبيبى يوماتى
    أقـول ليه ويقول لى
    العهود بيناتنا iiمرعية
    أقـول لـيه تـعال لى
    نجلس جلسة غزلية

    أمـتع فـيك عـيني
    أشوفك وأنسى ألامي
    وأقول حققت أحلامي
    على تميل وعليك أميل
    فـيك أمـعنت نظراتى
    وجدتك كل مسراتى

    وأفـراحي وملذاتي أحبك
    وأنسى فيك ذاتي
    حبيبي أراعى تقديسك
    ويرتاح قلبي لحديثك
    حديثك يشفى العليل والله
    يا السامي الجليل
    الـحب الـصادق قـليل
    البشبه حبي النبيل
    فـبـدون جـمـيل أهــوى الـجـميل

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven

    ليالي الأنس لذاذ بالحيل
    نعود للساحه الخاتيه رحيل
    يا ودباقير ما قلتا خبير ،
    وين السلمة ، وين درب ام جير
    يا شيخنا كمان الشفقة تطير ،
    هداك الوادى ودرب أم جير
    يا أم ضمير ظعنك شد
    وختم أب زليق بلد العمده
    بكوا الصابراب جفوا الغمده
    والنار في قرين خمدت خمده
    يا أم ضمير ظعنك شايل
    وين الديفات وين بت نايل
    والدنيا نعيم عرضا زايل
    تتعرجن فى البيشان ،
    زى القايد ، حامل النيشان
    بكوا الصابراب وقرين
    علشان ظعنوا النفلين قام ودعطشان
    يحن قلبي ال كان بولاد
    حنين الوالدة علي الأولاد
    حنين النوق بكر تيلاد
    لي النفسو مسك
    وعرقو جلاد
    العفرت شال
    تبعو الأمطار
    ديل اخلو سميح سكنوا أم محار
    دعاشهم هب مع الأسحار
    أنا نومي بصيص ودموعي نهار

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ليه بنهرب من مصيرنا ونقضى ايامنا في عذاب
    ليه تقول لى انتهينا ونحن فى عز الشباب
    نحن فى الأيام بقينا
    قصة ما بتعرف نهاية
    ابتدت ريدة ومحبة واصبحت فى ذاتها غاية
    كنت تمنحنى السعادة
    ولى تتفجر عطايا
    ولما أغرق فى دموعى
    تبكى من قلبك معايا

    ***
    كنا فى ماضينا قوة
    قوة تتحدى الصعاب
    نقطع الليل المخيم ونمشى فى القفر اليباب
    كنا للناس رمز طيبة
    وكنا عنوان للشباب
    وهسى تائهين لينا مدة نجرى من خلف السراب

    ***
    تانى ما تقول إنتهينا
    تنهى جيل ينظر الينا
    بانى أماله وطموحه ومعتمد أبداً علينا
    نحن قلب الدنيا ديه ونحن عز الدنيا بينا
    تانى ما تقول إنتهينا
    نحن يا دوب إبتدينا


    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven

    عن حبيبتي أنا حأحكي ليكم

    ضل ضفايرا ملتقانا

    شدوا أوتار الضلوع

    أنا بحكي ليكم عن حنانا

    مرة غنت عن هوانا

    فرّحت كل الحزاني

    ومرة لاقت في المدينة

    الحمامات الحزينة

    قامت أدتا من حنانا

    ولما طارت في الفضاء

    رددت ألحان رضاء

    وكانت أول مرة في عمر المدينة

    أنو نام مكتوم حزينا

    تحيا محبوتي الحنينه

    ساوّه ليكم بإيدينا شاي

    وحالبالكم ضي القمرا

    مخبـّيه في جيوب الليل

    متى ما تدورو بترويكم

    وما ممكن تخليكم

    تجيب النجمه تديكم

    عشان كان نورا ماكفـّي

    تجيب ضوا يكفـّيكم

    وعن حبيبتي بقول لكم

    ولسه برضي حاقول لكم

    Like a Star @ heaven Like a Star @ heaven Like a Star @ heaven Like a Star @ heaven Like a Star @ heaven

      الوقت/التاريخ الآن هو الأربعاء 19 سبتمبر - 1:13